الباشا سرق واستخبى فى الورق

الباشا سرق واستخبى فى الورق



عنوان عبيط شويه قصدي غريب بس اهو يارب يعجبكم

ونقول بسم الله وعليه توكلنا ونبدا زى ما اتعودنا بالحضري او الخاين او الهارب او المظلوم

(كلها اسامى )

1- لو كان راس ماله 400000 جنيه وواحد يقولك 4 مليون وواحد يقولك امواله لاتحصى

وطبعا ده غير الاموال المستخبيه وفى الاخر يقول انا عايز احترف علشان اضمن مستقبلى اصلى مش هنفع فى الازاعه يبقى ايه ؟

يبقى الحضري سرق واستخبى فى الورق



2- لو لقينا واحد جايب 94% فى الثانويه العامه يعنى لو عملنا معادله هنلاقيه على مر السنتين نقص درجتين فى كل ماده

والاخر يترمي فى كليه تجاره لان الهندسه واخده من 95%

وعلى ايام الباشا كلب بهاء الدين قصدي كامل بهاء الدين الهندسه كانت واخده من 89%

(لان ابنه كان فى تانيه ثانوي) يبقى ايه ؟؟

يبقى الوزير سرق واستخبى فى الورق



3- لو لقينا الحديد الى كان ب500 جنيه فى خلال 3 سنيين بقى ب6200

اى بمعدل من 50 الى55 جنيه زياده يوميه

ولو اتكلمنا يقولوا محتكر السوق يبقى ايه

يبقى عز سرق واستخبى فى الورق



4- لو لقينا وزير موقر اشتري ساعه ليضعها فى يده الكريمه عشان يعرف الوقت (وطبعا اتخن ساعه فى الدنيا ملهاش وظيفه الا كده) ويدفع تمنها 3 مليون جنيه

مع العلم بان سياده الوزير من المحتمل ان يربح من عمله الشرعى كوزير هذا المبلغ فى لايقل عن 4 اعوام

يبقى جاب الفلوس دى منين ؟؟

اكيد الوزير سرق واستخبى فى الورق



5- لما نلاقى شاب زى الفل خريج اعلام ولسانه لهلوبه فى الكلام وطليق وصادق ونلاقيه بيبيع فول ولا طعميه

وفى الاخر نلاقى لاعب من نادى عريق فى مصر يشغل محلا كبيرا فى الاعلام بسبب انه كان لاعب مع العلم انه لا يستطيع التفريق بين الالف وكوز الدره ده يبقى ايه

يبقى بندق سرق واستخبى فى الورق



6-لما نلاقى لاعب مرتبه الشهري لايقل عن ال10 الاف جنيها مع العلم انه منذ تاريخ توقيعه لناديه لم يلمس الكره الا فى التدريبات وو ملازم لدكه البدلاء يبقى ايه

يبقى بدلاء معظم انديه مصر سرقوا واستخبوا فى الورق



7- لما نلاقى شيكاره الدقيق بتروح للفرن ب18 جنيه (لانها مدعمه من الحكومه)

وهيا سعرها الاصلى 230 جنيه

وفى الاخر الافران مبتلاحقش على الشعب والفرن مبيخبزش حصته كامله لان الدقيق خلص

ده يبقى ايه

يبقى افران مصر كلها بلا استثناء سرقت واستخبت فى الورق




اقبلو تحياتى

حسبنا الله ونعم الوكل
لا الة الا انت سبحانك انى كنت من الظالمين
لاحول ولا قوة الا بالله


شكرا على مرورك